Ang trabaho ko'y maghanap ng trabaho

Tagalog mode muna.Noon ko pa gustong magsulat sa tagalog subalit dahil nga sa pagkocall center ko kaya't nasimulan ko ang blog na ito sa Inglis,kaya sa ngaun trip ko naman magTaglish. Iniisip ko kung babaguhin ko na rin ang format ng blog ko,ayoko na munang magpakaconio pero ayoko rin namang magpakajologs.Ah basta sasabihin ko na lang kung ano ang gusto kong sabihin.Pasintabi sa mga mambabasa kong hindi nakakaintindi ng Tagalog.
Natutuwa ako sa mga blog na napili ng Philippine Blog Awards, ung iba sinave ko sa PC ko at binabasa ko kapag walang magawa.Mahusay talaga ang pinoy magsulat, ung iba magaganda at kapansin pansin din ang mga layout.Pag nagkapanahon, ililink ko sa blog ko ang mga ito.Mas ginanahan tuloy ako magblog at mas gusto kong pagbutihin ang pagsusulat ko.Sabagay ilang buwan pa lang naman akong nandito pero iba talaga ang feeling nasasabi mong lahat ang nasasaloob mo at natututo ka rin sa buhay ng ibang tao.malayo na talaga ang naabot ng teknolohiya ng Internet.
Bukas maghahanap muli ako ng trabaho, ang trabaho ko ngayon ay maghanap ng trabaho.Itatapak ko na naman ang mga paa ko sa Makati at Ortigas. Titingalain ko na naman ang mga matatayog na gusali na nandito.Sana isa sa mga gusaling nandon ay ampunin ako bago magpasko.Matutulog na nga ako.